तू आणि मी . . .

किती वेडे होतो आपण एकमेकांसाठी . . . तू आणि मी

नाविन्याच्या बहरामध्ये

ओढींची ही झाली सुमने

आनंदाच्या धाग्यावर मग

सुमनांची मी माळ गुंफतो

किती एकरूप होतो आपण एकमेकांमध्ये . . . तू आणि मी

मधुरतेच्या बंधनामध्ये

सहवासाच्या झाल्या गाठी

विश्वासाच्या धाग्यावर मग

गाठींची मी माळ गुंफतो

. . . . . . . . . . . . . . . . . . . . . . . . . . . . . . . . . . . . . . . . . . . 

पण आता . . .

किती दुरावाले आहोत आपण एकमेकांपासून . . . तू आणि मी

आयुष्याच्या चक्रामध्ये

दिशांचे ही झाले फसवे

नशीबाच्या या धाग्यावर मग

धाग्यांचीच मी माळ गुंफतो

किती अनोळखी बनलोयत आपण एकमेकांपासून . . . तू आणि मी

आठवणींच्या शिंपल्यामध्ये

अश्रूंचे हे झाले मोती

तुटलेल्या या धाग्यावर मग

मोत्यांची मी माळ गुंफतो

परिमल